Sheikhagar.org - Official site for sheikhagar for his dha'wa works!

சுவனம் எங்கள் தாயகம் - குத்பா

Created On: Saturday, 12 June 2010 18:38

Adobe Flash Player not installed or older than 9.0.115!

முஸ்லிம்களும் ஊடகமும்: வீழ்ச்சியின் எல்லையிலும் எழுச்சியின் துவக்கத்திலும்

Created On: Monday, 17 May 2010 07:58

அல்ஹஸனாத்: சமகால உலகில் ஊடகம் பெறும் முக்கியத்துவம் பற்றி சுருக்கமாகக் கூற முடியுமா?
அஷ்ஷெய்க் ஏ.ஸீ. அகார் முஹம்மத்: இன்றைய உலகில் மூன்று வகையான படையெடுப்புக்கள் மேற்கொள்ளப்படுகின்றன. இராணுவ ரீதியான படையெடுப்பு, சிந்தனா ரீதியான படையெடுப்பு, உள ரீதியான படையெடுப்பு ஆகியவையே அவை. பொதுவாக மக்கள் இராணுவ ரீதியான படையெடுப்பையே பெரிதுபடுத்துவர். ஆனால் முதல் வகை படையெடுப்பை விட சிந்தனா ரீதியான படையெடுப்பும் உள ரீதியான படையெடுப்பும் மிகவும் ஆபத்தானவை.
முதல் வகைப் படையெடுப்புக்கு துப்பாக்கி, குண்டு, பீரங்கி, தோட்டா முதலானவை ஆயுதங்களாக விளங்குகின்றன. சிந்தனா, உள ரீதியான படையெடுப்புகளுக்கு ஆயுதமாக விளங்குவது ஒரு நவீன ஆயுதம் அது பலம்வாய்ந்த ஆயுதம் முதல் வகை ஆயுதங்களின் பலத்தை மிகைத்துவிட்ட ஆயுதம் என்று அதனை வர்ணித்தால் பிழையாகாது. அதுதான் ஊடகம் (Media) எனும் அதிசக்தி வாய்ந்த ஆயுதம். இங்கு ஊடகம் என்பதன் மூலம் அச்சு, இலத்திரனியல் ஆகிய இரண்டு வகை ஊடகங்களும் கருத்திற் கொள்ளப்பட வேண்டும்.

தொடர்பூடக ஒழுக்கவியல்: அல்குர்ஆனின் வழிகாட்டல்

Created On: Saturday, 01 May 2010 10:07

Mass media
இஸ்லாம் முழு மனித சமுதாயத்துக்கும் வழிகாட்டல்களைக் கொண்டுள்ள மார்க்கம். அது ஊடகவியல் துறைசார்ந்தோருக்கு மிகச் சரியான வழிகாட்டல்களை சொல்லித் தருகின்றது. அந்த வகையில் இஸ்லாம் சொல்லுகின்ற தொடர்பூடக ஒழுக்கவியல் கோட்பாடுகள் பற்றிய அடிப்படையான சில குறிப்புகளை இங்கே தருகிறNhம். இவை இன்னும் ஆழமாக ஆராயப்பட்டு, மெருகூட்டப்பட்டு ஊடகவியலாளர்களை நெறிப்படுத்தும் ஷஇஸ்லாமிய ஊடக ஒழுக்கக் கோவை ஒன்று தயாரிக்கப்பட வேண்டும்.

உலகில் ஊடகத்துறை எப்போது துவங்கப்பட்டதோ அன்று முதல் ஊடவியலுக்கான ஒழுக்கங்கள் (Ethics) பற்றியும் பேசப்பட்டே வந்துள்ளது.
15ம் நூற்றாண்டில் ஐரோப்பாவில் பத்திரிகைத்துறை ஆரம்பமானது முதல் அத்துறைக்கான உரிமைகள், கடமைகள், ஒழுக்கங்கள் பற்றி விவாதிக்கப்பட்டுள்ளது. 1920ஆம் ஆண்டிலேயே இத்துறைக்கான பொதுவான ஒழுக்கவியல் கோவை வகுக்கப்பட்டது. 1926 இல் Plan American Press எனும் அமைப்பு ஒழுக்கவியல் கோவை ஒன்றை உருவாக்கியது. 1950 இல் Inter American Press எனும் அமைப்பு இது தொடர்பான மற்றுமொரு முன்மொழிவை முன்வைத்தது. 1952 இல் ஐ.நா.சபை இதழியல்துறை தொடர்பான ஓர் ஒழுக்கவியல் சட்டக்கோவை குறித்து ஓர் ஆய்வை நடத்தியது. 1954 இல் ஐ.நா.சபை இது தொடர்பில் சர்வதேச கட்டமைப்பு ஒன்றை உருவாக்குவது சிக்கலானது எனக் கூறியது. 1974 ஷஇல் ஐரோப்பிய சமூகப் பத்திரிகைகள் வர்த்தக சங்கம்| எனும் அமைப்பு ஓர் ஒழுக்கக் கோவையை அறிமுகம் செய்தது. இதே காலப்பிரிவில் சர்வதேசப் பத்திரிகை அமைப்பு இது தொடர்பில் கூடிய கரிசனை செலுத்தியது.
1977 இல் அரபுப் பத்திரிகைகளுக்கான ஒழுக்கவியல் பிரமாணங்கள் தயாரிக்கப்பட்டன. அவ் ஒழுக்கவியல் கோவை இஸ்லாமிய அடிப்படைகளுக்கு அமைவாக இல்லாவிட்டாலும், மனித விழுமியங்கள் மற்றும் பொதுவான ஆன்மிக, தார்மிக ஒழுக்கப் பண்பாடுகளை கவனத்திற் கொண்டு தயாரிக்கப்பட்டமை குறிப்பிடத்தக்கது.
இப்படி காலத்துக்கு காலம் இதழியல் துறைக்கான ஒழுக்கக் கோவைகள் வகுக்கப்பட்டபோதும் அவை வெறும் கோட்பாட்டளவில் மாத்திரமே இருக்கின்றன.